حتـى كان عشــــاق الجميل

رزين الطبـع في وقت العشـق

لـغـير الـزين ما الخـاطــر ايميـــل

لـغــير السمـح مـا قـلــبي خـفــــق

كما صـياد في ظـلـمـة اللـيـــــل

قـايـس زين واسـهــامـه رشـــق

وصيدي دوم فـي ريـم الهميــل

إن قابل فيه مـن الغالي نشــق

يشوش العقل وين نسمع هذيــل

كـمـا الـمجــــذوب لا شـمّ الــوشـــق

ايرف الـقـلــب لا قــــابـل مثيــــــل

لسمح اللون مكحــول الـــرمـــق

وانرد الـعقل ما يبقى ضليــــــــل

ونكمي جرح مـن عني فرق

أنــا ركـــّاب شـــرادة الـخـــــيـــــــــــل

وقــت   الـغــيــــر  مـا  فـيـهـا  يـطـــــق

شديد العــزم ما دمعي ايسيـــل

ومهمـا صـار عـزمــي مــا يــرق

عزيز النفس مانـي اللي ذليـــــل

اربـايـة  عـــز    ومـعـيـشــــــــــة روق

لا شكّاي لانـي اللي عليل

خـفيف   الـــروح   ونـّاس    الـرفـــق

أنا  الشيّال   للحمــــل     الثقـيــــــــل

انعـاف  الـــروح  لــو صــار الـشـرق

بـابــي خـير واجـناني ظليـل

وبـاب  الخــــيـــر  مـا يــوم    انغـلــق

في طبعي الجود ماني اللي بخيـل

انكنهـو صار  عالبـيبــان دق

نجود بالمال ولو عندي قليـــــل

وحـلـو   المـــال   مجــيــوب    بـعــرق

وينمو العشب في جرة السيــل

وياتي الغــيث مـن بـعـد الـبرق

ولا شكّـــار لا غــاب الـــدليــــــــــل

امغـير احساس مـن الخـــاطر دفــق

يا مولاي يا ربي الجميــــــل

انكون على الحــق في ساعة الحق