|
|
يا هل ترى تدري ؟إنك ملكتي أمري وانك سكنتي صدري وانــــــــــــــك حياتي وبسمتي وآهاتـــــــــي ومعاك انكتب قدري
كنتِ لغلايا ضاميـــــــــــــــــــــــــة حد الضمـــا إنتِ الأرض وأنـا الغيـــــث وصرتي علي متعامية عندك سـواء كيف غبـت واللا جيـت
ما نحساب تنسي أيامــــــــــي وتنسي الغـلا اللي كان ما نحساب نبقى ضامـــــــــــي وكنت بغـلاك رويــــــــــــــــــــــــان
لو مرة خطيت امعــــــــــــاك لو لحظة نسيت غـــــــــــلاك لا تقبلي عـــــذري كيف نقدر أنا ننســـــــــــــاك ؟ وكيف نقدر نعيش بـلاك ؟ وكيف مركبي تجري؟ يا هل ترى تدري ؟
كنتِ حنونة دافية من قال تقسي ونبع المحنة في يوم ينـزح مــــــــــــــــــــــــــاه كنتِ لغلايا وافية من قال تنسي أيام الغلاء في ماضي جميل عشناه
تنسي غلاي وترحلي أتخليني تزيدي القلب جروح فوق اجــــــــــــــــــــروح لا عـرّاف يعرف داي ويداوينــــــــــــــي لا يفيدني بالراي صاحب نصــــــــــوح
أنتِ الغلا بأقـــــــــــــــــــــــــدار وأنتِ الغناء ولشعـــــــــــــــــار وأنتِ الهوى العُذري ليك ما برد الشــــــــــــــــــــــوق وليك قدر ديمة فــــــــــــــــــوق حتى ولو ماتـــدري يا هل ترى تدري ؟
|
|