اللــي إيريحــــك ديـــــــــــــــــــــره

راضي عليك القلب مهما إتدير

اللــي إيريحــــك ديـــــــــــــــــــــره

وارتاح في قلبي وقلب الغيــر

راحة القلب في راحتك  ..  ومـــا يعجبك يعجبني

لا  نزعـل عليك لا نعـاتبـك     .. مهما الهوى يغلبني

اللي إيريحـك ديره

وين ترمي النظر للغير

وين تبتسم للغيـــر  ..    بود وحنان وطيبـــــة

إيبان في نظرهم شوق

وياخذوك بغلاهم فوق  ..    وما هي عليك غريبة

عارف الناس إتحبــــــــــــــــك       من طبعك السمح وودّك

وعارف الناس في قلبــك      واتعزهم من جـــــــــــدك

كيف من المّعزة  يا عزيز انغير؟

وكيف بغلاك من فرحتي ما انطير؟

راضــــــــي عليك القلب مهما إتديـــــــــــر

اللي إيريحك ديره

نحبك حُب ما يعرف جــــــــــــــــــــــروح

مهما تكون عن عيني بعيد

يا محبوب بيك هامت الــــــــــــــــــــــــروح

سكنت القلب متربع وحيــــــــــــــــــــــــد

وكـل مـن يحـبك انحــبـــــــــــــــــــــــه

وكل من اتحــبه حـبيبــــــــــــي

ومن زعلك ما نسير جنبــــــــــــــــه

ولو كان  يبقى قريبــــــــي

لي قلب يتبع فيك وين ما تسير

ولك عقل يخبرها طريق الخيـــــــــــــــــــر

راضي عليك القلب مهما اتديــــر

اللي إيريحك ديره