مرحبتيـن بالغـالي حبيبــي

مرحبتين يابو قلب صـافـي

غايـب وين يادايـا وطبيبـي

دايب شوق لو تعرف اريافي

نـاهونا  يـاعز الغـوالــي

نشيل اعزاز عيني فوق عيني

وديمه امعاي هم زهوي ودلالي

عالحسـاد واللـي مايبينـي

وحتـى كـان مايدرو بحالـي

حتى كان هم بسمة حنينــي

نجيهم وين ما يحتار  بـالــي

جية شوق مو جية امجافــي

نـاهونا  مازلـت الـوفــي

بابي خيـر واجنانـي ظليـل

نفـرح وين ماضيفي ايجــي

نجود بالمال ولو عندي قليـل

وماننسـاه من فضلــه علَـي

ومنهو كـان في دربي دليـل

وعايش دوم عـالــود لنقـي

ارضا الوالدين ويالله العوافـي

نـاهونا ثـابت عالمبــادي

وحب الناس والعيشة الكريمه

لا دليـت لا يكـدب زنـادي

ولا رديت لا نرضى هزيمـه

بلادي قلب في العالم ينـادي

بحب الخيـر والافراح ديمـه

الله يحميه من خلّلا ابــلادي

سـلام ونور للدنيـا مرافـي