حاجه غريبة(3)**

بعد الشقى وطـول الرجا

جاها الغـلاء صدفة

 بلا ميعـاد

دارت الفرحـه

والزهـا

خافـت مـن الحساد

وما حد يعلم سرها

الا رفيقة عمرها

تحكيلها.. وتقـول:

"انتي رفيقة عمـري

وانتي تصوني سري"

تحكي على املاقاته

وتحكي على صفاته

ووين ما وصفاتــه

ردت عليها.. وقالت:

                         "هـ الوصف ياصاحبتي

ماهو غريب علي!

خوذي كلامي واصبري

راهو الهـوى طبعه ردي

بعد الزهى

وبعد الهنى

همه ايجي"

قالتلها:

"خليني

هذا حبيبي اللي اندور فيه

ما تعرف زهاها عيني

الا ويـن ما تـلاقيـه

منه سمعت اشعار

من قيس

من نزار

واليوم هو نـزاري"

ردت عليها.. وقالــت:

"انا انقولك ما قال

هو قال:

 لا تحتاري

(اني خيرتك فاختــاري)

قالتلها:

"بالله كيف عرفتي"

ردت عليها.. وقالت:

"مش قلت: ياصاحبتي

لوصاف ما هي غريبه

والباين

 اللي تحبيه

مالحب واخد نصيبه"

حاجه غريبه !