سألتينــــــي...!
سألتيني... على عمري
على اسنيني
عددها كم...؟
سألتي
- وانتي ما تدري-
كم عانيت في صغري
وشلت الهمّ
وكـم مره طلع صبحـي
وكان النوم جافيني
وكم مرة قصر شبحي
علـى من همْ زهـى عيني
***
سألتيني... على عمري!
انا عمري:
حنين
وشوق
انحس الجرح
ما نجرح
ولا نسلّف أحبابي سـوّ
انا عمري:
مطر
وابروق
وعندي – للدفا- مطرح
كان غير الغوالي ايجو..!
وانتي.. عالمهل عدّي
كم من حنين
وكم من شوق
وكم من مطر..
وكم من ابروق..
وكم في القلب من ودي..
وقولي: كم...؟
انا عمري
بدا بدري
بدا.. لمّه تنسمت الهوى فصدري
انا عايش زمان لمّه
يمـوت العـاشق
بهمه
لمّا يفارق احبابه
انا عايش زمان لمّه
يضحي الفـارس
بدمه
ف شـان الوطن
واترابه
انا عاشـق
وهب عمره
لاجل العشق
وأصحابه
يهوى القلب من نظـره
ويفتح – للهوى- بابه
ويوم القلب ما يهوى
العمر يتم.
سألتيني...!